Хоосорсон чингэлгүүдийг Эрээн рүү буцааж эхэллээ

               
2022-01-26 0

Замын-Үүд боомтын гаалийн хяналтын бүсэд бөөгнөрөөд байсан хоосорсон чингэлгүүдийг БНХАУ-ын хилийн Эрээн боомт руу буцааж эхэллээ. Энэ талаар Хятадын талд санал тавьснаар ийнхүү буцаан тээвэрлэж, хилийн тэг цэгт хүлээлгэж байна.

Тус ажлыг энэ 7 хоногт шат дараатай эхэлж буйг Шадар сайдын зөвлөх Ц.Мөнхбаатар мэдээллээ. Хоосон чингэлгүүдийг ачаа бараа хүлээн авч буй ажлын цагтай уялдуулан 18.00 цагаас буцаан тээвэрлэж байгаа юм. Ингэхдээ чингэлгүүдээс дээж аван шинжилж байгааг тэрээр мэдээллээ. Өөрөөр хэлбэл чингэлгээр ачаа бараа татан авах болон хоосорсон чингэлгүүдийг БНХАУ-ын талд буцаан хүлээлгэн өгөхөд хоёр тал аль аль талдаа халдвар хамгааллын дэглэмийг сахин үүрэг хариуцлага хүлээж байгаа гэнэ. Ачаа барааны чингэлгүүдийг хилээр орж ирэх болон хоосорсон чингэлгүүдийг буцаахад хилийн тэг цэг дээр болон Бүс нутгийн логистикийн төв дээр ариутган халдваргүйжүүлж байна. Өнөөдрийн байдлаар улсын хилээр 770 чингэлэг бараа бүтээгдэхүүнийг оруулж ирэн татан аваад байна.

Холбоотой мэдээ